ҰСТАЗ БЕДЕЛІ

«Ұстаз» деген сөз біз үшін қашанда қадірлі, қасиетті саналады. Небір данышпан да, қарапайым еңбек адамы да осы ұстаз алдынан өтеді. Ұстаз көзге көрінбейтін ерліктің арқасында оқушыны балалық шақтан бастап жеткіншек пен жастық шаққа жетелейді. Өзінің білімін, жүрегінің бір бөлігін сарп етеді. Ол өмірде оқушының өз орнын табуға ықпал етеді. Ұстаз еңбегі -мәртебелі, игілікті іс. Егерде оқушы өз өмір жолында мейірімді,әділ,адам болуға үйрететін жақсы мұғалімді кездестірсе, ол үлкен бақыт. Жақсы мұғалімді әр адам ұмытпайды. Ондай мұғалім туралы оқушы өмір бойы есінде сақтап, жолдастарына және немерелеріне айтып отырады және үлгі тұтады. Жазушы өзінің шығармаларымен есте қалады, суретші – өзінің суреттерімен, ал ұстаз адамдардың ойында және іс әрекетінде есте қалады. Сондай жандардың бірі – Жаныгулова Анар Каиркенқызы. Анар Каиркенқызы өмірінің 25 жылын білім саласына арнаған: оның ішінде он бір жыл Кеңтүбек ауылы Жалтыр жалпы орта мектебінің директоры. Анар Каиркенқызы қарапайым мұғалімнен мектеп директорына дейінгі ауыр жолды өткерді. Осы салада абыройлы еңбек етіп келе жатқан Жалтыр орта мектебінің директоры Анар Каиркенқызын аудан жұртшылығы тәжірибелі ұстаз, білікті басшы ретінде жақсы таниды.
Павлодар педагогикалық институтын бітіргеннен кейін ұстаздық жолын орыс тілі мен әдебиеті мұғалімі болып бастады. Ұстаз ретінде өз пәні бойынша терең білімді, іскерлік шеберлігін және оқушы білімінің сапасын үнемі шыңдап отырады. Жұмысының бірінші күнінен бастап заманауи білім технологияларын қолдана отырып, өз пәніне оқушының қызығушылығын арттыра білді. Анар Каиркенқызының әр сабағы оқушылар үшін жаңалық.
Басшы болғаннан бастап әкімшілік ретінде өз іскерлігін танытты. Осы іскерлігінің арқасында тату және ынтымақты ұжым жас ұрпаққа білім мен тәрбие беру үрдісінде кез келген мәселелерді шеше алады. Басшының талмас еңбегімен Жалтыр мектебі ауданымызда бірінші қатарда. Анар Каиркенқызы материалдық техникалық базаны нығайту мен оқыту нәтижесін көтеруге ерекше мән береді. Мектеп оқыту мен тәрбие жұмысында үлкен нәтижеге қол жеткізді.
Мектеп оқушыларының пәндік олимпиадалар мен спорттық сайыстарда да жүлделі орындарды алғандарын атап өтуге болады. Мектепте оқу грант иегерлері көп. Жыл сайын мектеп түлектері қорытынды аттестаттауда жақсы нәтиже көрсетеді. Биыл мектеп түлегі Смағұл Айгерім «Алтын белгі» иегері атанды.
Жақсы басшы ретінде Анар Каиркенқызы педұжымды әр түрлі шаралар мен сайыстарға қатысуға жетелейді.
Соңғы үш жыл ішінде мектеп «Білімдегі АКТ», «Мемлекеттік тілде ең үлгілі сайт» аудандық сайыстарға қатысты.
Мектеп директорының бастамасымен әлеуметтік серіктестік жақсартылды. Абай атындағы ҚазҰПУ және Гумилев атындағы ЕҰУ Профессорлық оқытушылық құрамы мектепішілік рейтинг бойынша жоғары нәтиже көрсеткен оқушыларға көтерме стипендияның құрылтайшылары болды.
Анар Каиркенқызы республикалық оқу әдістемелік «Қазақстан Ұстазы» журналына басылған «Педагогика мен оқушының психологиясы» мақаласының авторы.
Аудан көлемінде «Білікті де беделді басшы» номинациясы берілді. Павлодар облысы білім басқармасының Алғыс хатымен және Құрмет грамотасымен марапатталды. Облыстық ұстаздар кәсіподағының Құрмет грамотасын иеленді.
Директордың жұмысы – оқушыларды тәрбиелеудегі, өзін-өзі жетілдірудегі және бірыңғай білім беру кеңістігін құрастырудағы қажырлы, күнделікті мақсатқа бағытталған еңбек. Мектеп – директор үшін ол оның өмірі, беделі және қуанышы.

2016-2017 оқу жылында мектепті 6 оқушы бітірді. Ұлттық бірыңғай тестілеу қорытындысы бойынша мектеп түлектері   мемлекеттік грант алуға конкурсқа түсіп, 3 оқушы мемлекеттік грант иегері атанды. Смағұл Айгерім –Қарағанды мемлекеттік медициналық университінің «Жалпы медицина» мамандығына, Амангельдинова Камила Павлодар қаласындағы Инновациялық Еуразия университетінің «Биологиялық заттардың химиялық технологиясы» мамандығына, Болатова Асемгуль Павлодар педагогикалық институтының «Қазақ тілі мен әдебиеті» мамандығы бойынша оқуға түсті.

Құрметті ауыл тұрғындары! Сіздерді “Мектепке жол” қайырымдылық акциясының қатысушысы болуға шақырамыз. Қазақстан Республикасы Білім және ғылым министрлігі тарапынан аз қамтылған отбасылардың оқушыларына жаңа оқу жылына дайындық уақытында қолдау көрсету және әлеуметтік себептермен мектепке келмей қалудың алдын алу мақсатында 201. жылы       1 тамыз бен 30 қыркүйек аралығында “Мектепке жол” атты жалпыреспубликалық акциясы өтілуде.

“Пять звезд” ЖШС компаниясы және білім беру бөлімінің  ұйымдастыруымен 9-11 шілде күндері мектебімізден 2  оқушы Астанаға барып қайтты. “ЭКСПО” халықаралық көрмесін тамашалауға зор мүмкіндік алған оқушылар Астанадан көтеріңкі көңіл-күймен оралды. Бұл шараның ұйымдастырылуына атсалысқан мектеп басшылары мен ата-аналарға зор алғысымызды білдіреміз.

Қазақстан Республикасы Білім және ғылым министрлігінің 2014 жылғы 26 желтоқсандағы «Үздік орта білім беру ұйымы» грантын беру тәртібі және оның мөлшерін белгілей отырып, оны беруге арналған конкурсты өткізу қағидаларын бекіту туралы» № 544 бұйрығы және «Үздік орта білім беру ұйымы» грантын тағайындау конкурсына қатысу үшін құжаттарды қабылдау» мемлекеттік көрсетілетін қызмет регламентіне сәйкес, ағымдағы жылғы 15  маусым күні Павлодар облысында грант беру конкурсы өтті.

«Балдырған» сауықтыру лагерінің І ауысымы аяқталуына байланысты  «Қош бол, «Балдырған!» күні өткізілді. .  Мереке қарсаңында өте қызықты ойындар  ұйымдастырылды, балалар жатқа тақпақтар, өлең айтты,  флеш моб биледі. Серуенге шығып мектеп алаңында түрлі ойындар ойнап  тамашалады. Түрлі- түсті қарындаштарды қолдану арқылы балалар өз ойларын бейнеледі. Суреттер әдемі әрі қызықты болып шықты.  Тәрбиеші Бакауова Н.О. балаларға тәтті кампиттер, балмұздақ таратты.

2017 жылы 10 маусым күні  мектепте «Жас толқын -2017» атты  түлектер кеші өтті. Кешке аудан әкімінің орынбасары, ауыл әкімі, шақырылған қонақтар, ауыл тұрғындары және түлектер мен олардың туған- туыстары қатысты. Биылғы оқу жылында 6 түлек мектепті бітірді. Смағұл Айгерім  «Алтын белгі» аттестаты мен белгісімен марапатталды  . Аттестат табыстау рәсімі аяқталған соң түлектер тілек кітабына өздерінің армандаған тілектерін білдірді.Соңғы рет дәстүрлі вальс биін билеп болған соң, аспанға шарлар шеруі ұшырылды.Түлектер кешіне арнайы шақырылған қонақтар, өздерінің музыкалық сәлемделерін сый еттіп,   би кешімен жалғасын тапты.