Monthly Archives: Мамыр 2023

Тарих пәнінің мұғалімі Бакауова Назира Отарбаевна 31 мамыр – Саяси қуғын-сүргін құрбандарын еске алу күніне орай «Жазықсыз жапа шеккендер» тақырыбында еске алу кешін ұйымдастырды. Саяси қуғынға ұшыраған Алаш азаматтары жөнінде және Қазақстандағы саяси-қуғын сүргіннің зардаптары туралы ақпарат беріп, оқушылар Саяси қуғын-сүргін және тоталитаризм құрбандарының «АЛЖИР» мемориалдық-мұражай кешені жайлы баяндама оқыды. Шара жалпы құндылықтарды қалыптастыруға ықпал ету, келешек ұрпаққа осы қанқұйлы жылдардың оқиғасы, оның жазықсыз құрбаны болған азаматтардың есімдерін ұлықтау, оларды мәңгі есте сақтау мақсатында өтті.

31 мамыр күні “Менің Отаным-Қазақстан” атты тәрбие сағаты өтілді. Мақсаты: Отанымызды сүюге, еліміздің рәміздерін қастерлеуге, туған жерін қорғауға және ұлтжандылыққа тәрбиелеу.Тәрбие сағаты оқушыларды оқу жылын сәтті аяқталуымен құттықтап, үздік оқушыларды марапаттауымен аяқталды.

2023 жылдың 15 мамыр күні Павлодар қаласының монтаждау және жөндеу колледжінің мамандары Жалтыр орта мектебінің 9-сынып оқушыларына кәсіптік бағдар беру мақсатында оқытылатын мамандықтар бойынша кәсіби бағдар беру жұмыстарын жүргіздi. Мектеп оқушыларына оқу орнының тыныс-тіршілігімен таныстырылатын бейне-материалдар мен презентация көрсетіліп, ақпараттық буклеттер таратылды.

ҚР «Терроризмге қарсы іс-қимыл туралы» 13.07.1999 ж. №416 Заңына сәйкес, террористік тұрғыдан осал объектілерге (бұдан әрі – ТТО) аса маңызды мемлекеттік, стратегиялық, қауіпті өндірістік объектілер, сондай-ақ стратегиялық маңызы бар экономика салаларының объектілері, адамдар көп жиналатын объектілер, терроризмге қарсы қорғауды міндетті ұйымдастыруды талап ететін қорғалатын объектілер жатады.
ҚР Үкіметінің 2021 жылғы 12 сәуірдегі №234 «Объектілерді террористік тұрғыдан осал объектілерге жатқызу Қағидалары мен өлшемшарттарын бекіту туралы» қаулысымен террористік тұрғыдан осал, адамдар көп жиналатын объектілерге (жеке кәсіпкерлік саласында) мынадай өлшемшарттарға сәйкес келетін объектілер жатады:
1) сауда алаңы 500 ш. м. және одан көп сауда объектілері не аумағында атыс қаруы мен оқ-дәрілер саудасы жүзеге асырылатын объектілер;
2) келушілерге қызмет көрсетуге арналған залдардың жиынтық алаңы 500 ш.м. және одан көп қоғамдық тамақтану объектілері.
ҚР «Терроризмге қарсы іс-қимыл туралы» Заңының 4-бабы 3-тармағының 4-тармақшасына сәйкес, ҚР Үкіметінің 2021 жылғы 6 мамырдағы № 305 қаулысымен ТТО объектілерін терроризмге қарсы қорғауды ұйымдастыруға қойылатын талаптар бекітілді.
ТТО объектілерін терроризмге қарсы қорғауды ұйымдастырудың мақсаты терроризм актісін жасауға кедергі келтіретін жағдайлар жасау (объект аумағында терроризм актісін жасау тәуекелін азайту) және ықтимал террористік қауіптердің салдарын барынша азайту және (немесе) жою болып табылады.

Қазақстан Республикасы Білім және ғылым министрінің 2022 жылғы 30 наурыздағы №117 бұйрығына сәйкес террористік тұрғыдан осал объектілерді терроризмге қарсы қорғауды ұйымдастыру бойынша 2023 жылдың 17 мамыр күні мектебімізде алгоритм бойынша мектебіміздің АӘД пәнінің мұғалімі А.Р.Амангельдинов тәрбие сағаттарын өткізді. Шара барысында Терроризм актісінің қауіпі туындаған немесе терроризм актісі жасалған жағдайлардағы әрекеттер туралы ақпараттар берілді.