“Қауіпсіз автобус” акциясы аясында аға тәлімгер К.Н.Смагулова және 2-сынып жетекшісі Г.С.Заирова “Жол ережесін сақтау-қауіпсіздік кепілі” тақырыбында оқушылар арасында сурет көрмесін ұйымдастырды.
Қазақстан-мейірімділік мекені. Республикалық балалар бастамасы және “ЭКОboom” облыстық жобасы аясында “Құстар үшін дәмхана” акциясы жүзеге асырылуда. Қысқы уақытта құстарға қамқорлық танытып, ауыл ішіндегі ағаштарға жем салғыштар мен үйшіктер орнатылды.
Бастауыш сынып онкүндігі аясында ашық сабақтар өткізілді. Сабақтарда оқу мақсатында сай тапсырмалар, кері байланыстар, тиімді әдіс-тәсілдер қолданылды. Оқушылар сабаққа белсенді қатысты. Цифрлық білім беру ресурстары пайдаланды.
Дене шынықтыру пәнінің мұғалімдері “Біз салауатты өмір салтын қолдаймыз” ұранымен таза ауада “Қызықты қыс” тақырыбында спорттық ойындар ұйымдастырды.
“Жалтыр жалпы орта білім беру мектебі” КММ-де 19-29 қаңтар аралығында жолда жүру ережелері бойынша қауіпсіздік сабақтары жүргізілді. Бұл сабақтардың мақсаты: оқушылардың жолда жүру ережесі, жол белгілерінің түрлері жайында білімдерін толықтыру, жол қауіпсіздік ережелерін орындауға баулу, көшеде дұрыс жүріп- тұруға, жол ережесін сақтауға тәрбиелеу. Штаттық сыныптарда сақтық шараларын сақтай отырып «Жарқын бол!» деген тақырыптарда сынып сағаттары өткізілді.
Бастауыш сынып мұғалімдерінің семинары өткізілді. Семинарда Заирова Г.С “«Бастауыш сынып оқушыларының жылдам оқу дағдылары мен оқу сауаттылығын қалыптастыру» тақырыбында оқушылардың оқу жылдамдығын арттыру мақсатында әдіс-тәсілдерді көрсетті. Информатика пәнінің мұғалімі Мурат С 1-сынып оқушыларына “Буынға бөлім оқимыз” интерактивті әдістемелік құралын таныстырды. Суреттер, ойын арқылы буындап, тұтас сөзді оқуға үйретуге бағытталды. Достаева Р.К «Ауызша есептеу дағдыларын дамыту және тез есептеу тәсілдер” тақырыбында оқу үрдісінде қолданып жүрген әдіс-тәсілдері көрсетіп, тез есептеу жолдары ұсынылды.
Жалтыр орта мектебінде қысқы каникул кезінде оқушылардың пайдалы және белсенді қызметін ұйымдастыру жүйесін дамытуға және жетілдіруге бағытталған “Қазақстан балалары-қысқы ғажайып” іс-шаралар жоспарына сәйкес 1-9- сыныптар арасында “Сәндік қолданбалы шығармашылық” бағыты бойынша “Отбасылық шеберхана” тақырыбында шара ұйымдастырылды.
Мектеп жоспарына сәйкес педагогикалық кеңес өткізілді. Педкеңесте ІІ тоқсан мен І жартыжылдық оқу бағдарламасының орындалуы. Білім алушылардың білімдеріндегі олқылықтарды жою және олардың орнын толықтыру бойынша қысқы демалыс кезінде қосымша сабақтарды өткізу туралы. Оқушылардың қысқы каникулын ұйымдастыру туралы. Аудандық пән олимпиадасы дайындық барысы. 11-сынып оқушыларының тестілеу қорытындысы сұрақтары қарастырылды.
Қысқы демалыс кезінде оқушылардың оқу тапсырмаларын орындауына көмек көрсету мақсатында педагогикалық жоғары және жоғары оқу орнынан кейінгі білім бері ұйымдары мен жоғары колледж, колледж студенттері қатарынан еріктілер қозғалысын ұйымдастыру мақсатында мектеп түлегі, С.Торайғыров Университеті Филология: қазақ мамандығының 3-курс студенті Сахимзадинова Айсана Сахимзадиновна 4-сынып оқушыларына қазақ тілі пәнінен ZOOM платформасы арқылы сабақ өткізді. Сабақта қызыты тапсырмалар, белсенді әдістерді қолданып, оқушыларды қызықтыра отырып, өткен тақырыптарға қайталау жасалды. @bilim_mai @bilim_basqarmasy @dinislambolatkhanuly
Каникул кезіндегі оқушылардың бос уақытын тиімді пайдалану мақсатында “Пайдалы ойындар робототехника” бойынша мастер-тренингін робототехника үйірмесінің жетекшісі Мұрат Серікгүл 7-9-сынып оқушылары арасында өткізілді. Робототехника роботтардан басқа автоматтандырылған техникалық жүйелер мен өндірістік үдерістердің ең жаңа техникалық жиынтықталуын әзірлеу мен қолдану жолдарын зерттейтін ғылым екені түсіндірілді.
Қысқы демалыс кезіндегі білім олқылықтарының орнын толтыру бойынша оқушылармен жеке жұмыс жүргізу мақсатында қосымша сабақ кестесі құрастырылды. Пән мұғалімдері өтілген тақырыптар бойынша, қайталау сабақтарын, бекіту сабақтарын өткізді.
