Қадірлі ата-аналар мен оқушылар!

Қадірлі ата-аналар мен оқушылар!
Мемлекет басшысы Қасым-Жомарт Тоқаевтың қолдауымен, Қазақстан Республикасы Үкіметінің Қаулысымен 10 тамыз “Абай күні” болып белгіленді. Яғни, бұл күн ұлтымыз үшін асқақ рух, жарқын жасампаздықтың мейрамына айналмақ.
Абай – өзінің орасан ойшыл, дара данышпандығымен әлемдік деңгейге көтерілген ұлы тұлға. Рухани кеңістігіміздің адастырмас темірқазығы.
Дәл осы сәтте әлем халқы ұлы Абайдың “Адамзаттың бәрін сүй бауырым деп” деген қанатты қағидаға айналған өлең жолдарынан ізгілік ізін тануы керек деп ойлаймын. Өйткені, Абай осы тұжырымы арқылы тек қазақ халқын ғана емес, барша адамзат баласын бейбітшілік идеясына үндеп, адами құндылықтардың бағасын асқақтатып отыр.
Ендеше, Абай мұрасын адамзаттың асыл мұраттарына жол ашқан рухани бағдарлама деп қабылдауға әбден болады!
Баршаларыңызды Абай күнімен шын жүректен құттықтай отырып, еліміз еңселі, рухымыз асқақ болуын тілеймін!