Облыстық көптілділік олимпиадасының қорытындысы

«Ертіс дарыны» өңірлік қосымша білім беру оқу-әдістемелік орталығы Торайғыров Университетімен бірлесе отырып 2022 жылғы 18 қарашада 9-11 сынып оқушылар арасында 64 қатысушыларымен облыстық көптілділік олимпиадасын өткізді.
Олимпиаданың мақсаты – мектептегі көптілді үздіксіз білім беру жағдайында зияткерлік көпмәдениетті тұлғаны қалыптастыру.
Міндеттері: – оқушылардың мемлекеттік, орыс және шет тілдерді оқуға ынтасын арттыру;
– оқушылардың үш тілде коммуникативтік дағдылары мен шығармашылық әлеуетін дамыту;
– әлем бейнесін үш тілде түсінуде оқушылардың танымдық белсенділігін жандандыру.
Олимпиада екі тур бойынша өткізілді.
1 тур (жазбаша) – оқушылар ұсынылған тақырыпқа үш тілде эссе жазды.
2 тур (ауызша) – оқушылар берілген тақырыпқа көпшілік алдында сөз сөйледі.
Екінші турға әр пән бойынша 75-100 ұпай жинаған оқушылар өтті.
Мектебіміздің 10-сынып оқушысы Бейбитова Аяулым, олимпиада қорытындысы бойынша 20 қатысушы жеңімпаз бен жүлдегерлердің қатарынан табылып, Құрмет грамотасына иеленді.